Կազմակերպության մասին
Մեր մասին Գործարարության զարգացման և կադրերի ինստիտուտը հիմնադրվել է 1999թ. հոկտեմբերին: Ինստիտուտի առաքելությունը բիզնես կադրերին ժամանակակից, որակյալ բիզնես հմտություններ և գիտելիքներ մատուցելն է, գործարար միջավայրում սոցիալական պատասխանատվության, բիզնես էթիկայի և բարոյական բարձր հատկանիշների արմատավորումն ու ամրապնդումը: Ինստիտուտը նախաձեռնում է հետազոտություններ, ուսումնասիրություններ բիզնես տարբեր ոլորտներում, բացահայտում է առկա խնդիրները, իրականացնում ձեռնարկությունների բիզնես ախտորոշում, մշակում և մատուցում է բիզնես ծառայություններ: Նա ծավալել է գործունեություն արդյունաբերության, շինարարության, էներգետիկայի, գիտության, կրթության, տրանսպորտի, առևտրի և ծառայությունների բազմազան ոլորտներում: Ինստիտուտը ունի գործունեության հարուստ փորձ: Դրա վառ ապացույցը հանրապետության շատ համայնքներում 500-ից ավելի ՓՄՁ-ների հետ իրականացրած աշխատանքներն ու ավելի քան 3000 վերապատրաստվածներն են: Ինստիտուտը համագործակցում է միջազգային և տեղական մի շարք կազմակերպությունների հետ, ինչպիսիք են USAID, TACIS, GTZ, World Learning, Daiz, AED, ProSME, ՓՄՁ ԶԱԿ, ՓՄԳՄ ասոցացիան, ՓՄՁ զարգացման հիմնադրամը և այլն: Ինստիտուտը համալրված է բարձր որակավորում ունեցող մասնագետներով, վարչական և տեղնիկական աշխատակիցներով, ունի կահավորված լսարաններ, համակարգչային տեղնիկա, որակյալ ինտերնետ կապ, աշխատանքների կազմակերպման սեփական փորձարկված մեթոդներ, տեխնոլոգիաներ, ընթացակարգեր և այլն: Գործունեությունը Գործարարության զարգացման և կադրերի ինստիտուտը շուկայում առաջարկում է համալիր լուծումներ հետևյալ բնագավառներում. •Մարքեթինգի, •Մարդկային ռեսուրսների կառավարման, •Ներդրումների պլանավորման և զարգացման ծրագրերի, •Ռազմավարական պլանավորման, •Ֆինանսական հոսքերի կառավարման, հաշվապահական և հարկային հաշվառումների, •Արտադրա-տեխնոլոգիական գործընթացների կատարելագործման և օպտիմալացման, •Հաճախորդների հետ փոխհարաբերությունների կառավարման, •Իրավաբանական, •Միջազգային կառավարման համակարգերի ներդրման որակ ISO 9000 և էկոլոգիա ISO 14000, առողջապահական և անվտանգության ONSAS 18000, սննդամթերքի ISO 22000, ինֆորմացիոն տեխնոլոգիաների Tick IT/ISO 17799: •Արտադրանքի վկայագրման խորհրդատվություն` EN, DIN, NF, BS, ASTM, API, GOST, CE-Mark և այլն:
