Գործատու

Տուրիզմի Ուսուցում

REGENT Տուրիզմի Ուսուցման Կենտրոնը մասնագիտացված կրթախորհրդատվական հաստատություն է, որտեղ բարձր որակավորում ունեցող մասնագետների կողմից առաջարկվում են Տուրիզմի և Հյուրընկալության ոլորտի մի շարք արտոնագրված դասընթացներ, որոնք կօգնեն ուսման և աշխատանքի մեջ կատարելագործման ձգտող երիտասարդներին` իրականացնելու իրենց մասնագիտական հավակնությունները:
Կենտրոնը, լիցենզավորված լինելով AMADEUS Information Technologies, (Russia) ընկերության կողմից, Հայաստանում կազմակերպում է AMADEUS Sell Connect համակարգի հավաստագրված դասընթացներ, որոնք անց են կացվում լիցենզավորված մասնագետների կողմից, և կուրսի ավարտին տրամադրվում է պաշտոնական նմուշի հավաստագիր:
Կենտրոնն իրականացնում է մասնագիտացված դասընթացներ հետևյալ ոլորտներում`
• AMADEUS Selling Connect Platform - Ավիատոմսերի ամրագրման համակարգ
• Հյուրանոցային Կառավարում
• Տուրիզմի Կառավարում
• Գիդ-զբոսավարների մասնագիտացված դասընթաց
• Տուրիզմ-Անգլերեն
Կենտրոնը հպարտ է իր երիտասարդ պրոֆեսիոնալ կադրերի թիմով, որոնք ոչ միայն բարձր որակավորում ունեցող փորձառու մասնագետներ են` յուրաքանյուրն իր բնագավառում, այլ նաև ակտիվ և հաջողակ անհատականություններ, ովքեր միշտ մեր ուսանողների կողքին են և պատրաստ` նրանց ցուցաբերելու իրենց փորձագիտական աջակցությունը համապատասխան ոլորտում:

Ուսման մեջ արհեստավարժ մոտեցումը` աշխատանքում գերազանց արդյունքների հասնելու գրավականն է...

AMADEUS GDS (Sell Connect)

AMADEUS-ը հանդիսանում է առաջատար Գլոբալ Դիստրիբուցիոն համակարգերից մեկը տուրիզմի ոլորտում: Բացի ավիաընկերություններից, այն տեխնոլոգիական լուծումներ է առաջարկում նաև այնպիսի տուրիստական ծառայությունների մատակարարներին, ինչպիսիք են՝ հյուրանոցները, երկաթգծի և ծովային ճանապարհորդությունների օպերատորները, մեքենաների վարձակալությամբ զբաղվող ընկերությունները, որոնք կարևորագույն միջնորդ օղակ են հանդիսանում սպառողների և տուրիստական ծառայությունների մատակարարների միջև:
Որպես հավաստագրված կրթախորհրդատվական կենտրոն, լիցենզավորված Amadeus Information Technologies, (Russia) ընկերության կողմից, կենտրոնը հայտարարում է Հայաստանում AMADEUS ծրագրի որակյալ ուսուցման կազմակերպման մասին: Ծրագրի նպատակն է` որակյալ գիտելիքներ ձեռք բերելու հնարավորություն ընձեռել թե նրանց, ովքեր «նորեկներ» են տուրիզմի բնագավառում և չունեն անհրաժեշտ մասնագիտական գիտելիքներ, սակայն ցանկանում են աշխատել այս ոլորտում, որտեղ պրոֆեսիոնալ կադրերի և «իրենց գործում» բանիմաց մասնագետների մեծ պահանիջարկ կա, և թե նրանց, ովքեր արդեն իսկ ընդգրկված են այս բնագավառում և ցանկանում են բարելավել իրենց պրակտիկ գիտելիքները:

Դասընթացը բաղկացած է 20 դասից, տևողությունը 1-2 ամիս, շաբաթական 3 օր, խմբում ներառված են լինում 2-3 անձ: Ուսումնական կրթության ողջ կուրսն արժե 120.000 դրամ:

Դասընթացներն անց են կացվում լիցենզավորված մասնագետի կողմից` համապատասխան կահավորված լսարանում: Ուսուցման համար անհրաժեշտ բոլոր նյութերը կենտրոնի կողմից ուսանողներին տրամադրվում են անվճար: Որպես կանոն նախքան դասընթացի մեկնարկը, կենտրոնը կազմակերպում է <<բաց դաս>>, որին մասնակցելը անվճար է:

Ուսուցման ավարտին իրականացվում է ավարտական թեստավորում և ուսանողներին տրամադրվում են Amadeus Information Technologies (Russia) ընկերության կողմից հաստատված սերտիֆիկատ:

HOTEL MANAGEMENT

Զբոսաշրջության զարգացմանը զուգահեռ մեծանում են նաև այդ ոլորտում գործող բիզնես-ձեռնարկությունների պահանջները, իսկ հյուրանոցային կառավարումը կարիերայի տեսանկյունից բավականին խոստումնալից ոլորտ է: Կենտրոնը առաջարկում է հյուրանոցային կառավարման դասընթացներ, որոնք իրենց բնույթով յուրահատուկ մաստեր-կլասներ են և մատուցվում են ոլորտի պրոֆեսիոնալների կողմից մշակված՝ ինտերակտիվ հատուկ մեթոդով, որի արդյունավետությունն այլևս ապացուցման կարիք չունի։ Դասընթացի տևողությունը 2 ամիս է, որը ներառում է 25 դաս, շաբաթական 2-3 օր, խմբում մասնակիցների թիվը 4-6 անձ, դասընթացի ամսական վճարը 47500 դրամ: Դասընթացին ոլորտի գործող պրոֆեսիոնալների կողմից ինտերակտիվ մեթոդով դասավանդվում են հյուրանոցային բիզնեսի կառավարման համար անհրաժեշտ առանցքային այնպիսի թեմաներ, ինչպիսիք են՝ • Classification of Hotels • Biggest Hotel chains and their presence in Armenia • Resort Management Principles and Resort Marketing" • Rooms Operations overview • Front office Operation • Housekeeping and Engineering department operations • F&B best practices / Food & Beverage Division: structure • Restaurant management and marketing • Hotel Sales, Catering and Event Management և այլն․․․ Դասընթացի ավարտին անց է կացվում ստացված գիտելիքների թեսթավորում, և տրամադրվում է մասնակցության պաշտոնական Հավաստագիր։ Որպես կանոն նախքան դասընթացի մեկնարկը, կենտրոնը կազմակերպում է <<բաց դաս>>, որին մասնակցելը անվճար է: Tour Guide Professional Courses Regent Կրթախորհրդատվական կենտրոնը Հայ-Տուր տուրիստական գործակալության հետ միասին հայտարարում է Գիդ-էքսկուրսավարների դասընթացների կազմակերպման նոր նախագծի մեկնարկը:

Նախագծում ընդգրկված են ոլորտի լավագույն մասնագետները, որոնք կապահովեն մասնակիցների կրթության բարձր որակը: Դասընթացը նախատեսված է թե' նորեկների համար, ովքեր ցանկանում են արդի ու հետաքրքիր մասնագիտություն ձեռք բերել, և թե' արդեն իսկ այս ոլորտում ընդգրկված անհատների համար:

Բացի մասնագիտական որակյալ կրթությունից, մենք նպատակ ունենք մեր ուսանողների, որպես ապագա գիդ–էքսկուրսավարներ, մեջ սերմանել իրենց մասնագիտության հանդեպ պատասխանատվության բարձր զգացումը, խրախուսել նրանց` մեր երկիրն ու մշակույթը օտարերկրյա զբոսաշրջիկներին ներկայացնելու կիրթ և յուրօրինակ ձևով:

Ուսուցումը ներառում է թե' տեսական և թե' գործնական պարապունքներ` ուսուցման գործընթացը դարձնելով ավելի ինտերակտիվ և խորաթափանց:

Դասընթացի տևողությունը 5 ամիս, շաբաթական 3 օր, խմբում մասնակիցների թիվը 4-6 անձ, դասընթացի ընդհանուր կուրսի արժեքը՝ 135.000 դրամ:

Դասընթացը հաջողությամբ ավարտած ուսանողների համար կազմակերպվում է անվճար խորհրդատվություն, ռեզյումեների տեղադրում համապատասխան կայքերում և կազմակերպված հարցազրույցն անցնելուց հետո` իրական աշխատանքի հնարավորություն:

Դասընթացի ավարտին անց է կացվում ստացված գիտելիքների թեսթավորում, և տրամադրվում է մասնակցության պաշտոնական Հավաստագիր։ Որպես կանոն նախքան դասընթացի մեկնարկը, կենտրոնը կազմակերպում է <<բաց դաս>>, որին մասնակցելը անվճար է:




ՀԱՄԱԳՈՐԾԱԿՑՈՂ ԸՆԿԵՐՈՒԹՅՈՒՆՆԵՐ

ՈՒՆԵ՞Ք ՁԵԶ ՀՈՒԶՈՂ ՀԱՐՑԵՐ

ԿԱՊՎԵՔ ՄԵԶ ՀԵՏ